Club de Lectura IES Saturnino Montojo

    Continuamos as nosas reflexións sobre a selección de relatos breves que comenzaramos no trimestre anterior coa análise das narracións que quedaran sen traballar.

Un grupo de alumnos e alumnas de 2º Bach percorreron as aulas dos grupos de 1 e 2 ESO con intención de achegarlle ao noso alumnado as creacións poéticas de autoras tan importantes para a nosa lectura como Gloria Fuertes. Comezaron os nosos rapaces e as nosas rapazas facendo unha pequena presentación biográfica dunha autora pouco aprezada no seu tempo, pero recentemente reivindicada como gran poeta e activista social, pola paz e pola liberdade.  Unha poeta (que non poetisa) amante da escritura e que converteu en protagonistas dos seus poemas aos menos favorecidos, especialmente os nenos, os seus pequenos (grandes) amigos. A continuación, cada un deles e delas fixo unha lectura dramatizada dos poemas que escolleu,  e explicou cal foi a causa da súa elección.   A pesar da súa aparente simplicidade, foi unha actividade moi valorada polo alumnado porque lle permitiu achegarse a un xénero tradicionalmente menor (polo escaso número de lectores) da man de compañeiros que lles fal...

 O 16 de abril o noso Club de poesía viaxou co Club de poesía do IES de Catabois para celebrar de forma conxunta unha xornada cultural en Celanova.  Durante a mañá visitaron a Casa dos poetas, onde o alumnado, ademais de percorrer a Casa-Museo, puido facer un roteiro de sendeirismo no que coñeceu diferentes facetas da vida de autores da vila de Celanova, como Curros Enríquez, e recitou poemas relevantes dos diferentes autores.     Pola tarde, asistiron emocionados a un concerto didáctico de órgano na Igrexa de San Salvador.