Club de Lectura IES Saturnino Montojo

O 26 de novembro o noso Club de Adultos reuniuse para comentar Café Budapest , unha das bandas deseñadas máis coñecidas de Alfonso Zapico.   Esta novela gráfica narra a historia de Yechezkel Damjanich, un violinista xudeu que no 1947 marcha coa súa nai de Praga a Palestina en busca dun futuro mellor.  Alí instálanse no Café Budapest, un local rexentado polo seu tío Yosef, onde conviven en armonía xudeus, árabes e occidentais. Pero os ingleses deciden abandonar o territorio... e repentinamente estala o caos.  Mediante unhas viñetas simples no seu deseño, Zapico vai mostrando como pouco a pouco a situación do café se complica e como os parroquianos se ven obrigados a tomar partido no conflito.   Case todos os participantes no coloquio destacaron que lles pareceu unha obra pouco ambiciosa, dado que non explica con claridade as orixes do problema árabe-israelí, nin xulga a situación nin ofrece solucións. Tamén sinalaron a pouca profundidade psicolóxica do protagonista, e...

O noso Club de narrativa de 1º de ESO reuniuse o pasado 25 de novembro para comentar o libro-álbum que leva por título As mulleres que cultivaban néboas. É esta unha obra moi suxestiva tanto polo texto como polas atractivas ilustracións que o acompañan. A través dunha atmosfera inquietante na que se moven personaxes profundos e ben trazados, Bea Gregores aborda temas como a violencia de xénero ou a discriminaciòn. Case todos asistentes ao Club aseguraron que a narración lles pareceu sinxela e entretida, aínda que algúns aseguraron que se perderon en determinados momentos da historia.  O debate sobre a mesma resultou moi interesante.  En primeiro lugar, todos e todas destacaron o valor da nai protagonista da protagonista, unha muller forte e resiliente. Tamén aludiron á figura do pai, un home serio, seco, distante e violento, que xera un ambiente opresivo dentro do fogar.   Incidiron moito na influencia negativa da violencia de xénero na dinámica familiar e, sobre todo, na...

  En outubro organizamos a primeira reunión do curso do noso Club de lectura de adultos. Nesta ocasión xuntámonos para comentar  Matar a un ruiseñor,  obra que lle outorgou á súa autora, Harper Lee, o Premio Pulitzer en 1961. Esta é unha novela na que Scoutt Finch narra de xeito retrospectivo as súas vivencias de nena en Maycomb (Alabama) durante a Gran Depresión norteamericana. Scoutt vive co seu irmán Jem e con Atticus, o seu pai e un reputado avogado da localidade.  Mentres Atticus ten que enfrontarse ao caso máis complicado da súa carreira (a defensa de Tom Robinson, un rapaz negro acusado de violar a unha rapaza branca chamada Mayella Ewell), Scoutt e Jem reparten o seu tempo entre as aventuras con Dill (un neno que vai pasar as vacacións de verán ao pobo) e a súa fascinación por Boo Radley, un veciño estraño que vive recluido na casa dos seus pais. Aínda que Atticus consegue demostrar a inocencia de Tom, o rapaz é condenado por un xurado racista e parcial. Bob ...