CLUB DE ADULTOS: O INFINITO NUN XUNCO

 

O pasado 13 de outubro, e con moita ilusión por parte de todos os participantes, o noso Club de Adultos xuntouse para comentar o fantástico ensaio de Irene Vallejo O infinito nun xunco.

É este un libro sobre a historia dos libros e sobre os milleiros de persoas que durante moitos séculos fixeron libros e se encargaron de protexelos: narradores orais, escribas, vendedores ambulantes, tradutores, bibliotecarios...

 
Realmente todos e todas desfrutamos moitísimo coa súa lectura e foron moitos os comentarios que xurdiron a partir da mesma: a súa enorme orixinalidade, a inmensa erudición, o estilo coidadísimo, atractivo e suxestivo...
 




 Pero, e sobre todo, impactounos a capacidade da autora para conectar lugares e épocas tan distantes como a Alexandría de Cleopatra, os talleres medievais de copias de manuscritos ou as fogueiras de libros prohibidos, ata a Biblioteca de Saraxevo. Porque os libros son fantásticos instrumentos de sabedoría que foron capaces de atravesar o espazo e o tempo ata chegar á actualidade.
 
 


Foi unha lectura realmente abraiante!!!




Comentarios

Publicar un comentario

Entradas populares de este blog

CLUB DE LECTURA ALUMNADO PT: LAS AVENTURAS DE TOM SAWYER

Imagen
  Por petición de Rafa, o noso especialista en PT, profundamente comprometido coa necesidade de estimular a lectura comprensiva entre o alumnado con dificultades de aprendizaxe, decidimos crear un Club de Lectura entre os nosos rapaces e as nosas rapazas de reforzo dos distintos niveis educativos.  Con esa intención mercamos a novela de Mark Twain Las aventuras de Tom Sawyer nunha edición de lectura fácil adaptada para o alumnado con problemas lectores. E realmente, a pesar das dificultades para crear un grupo de lectura e de ser constantes no desenvolvento da actividade, a iniciativa está resultando todo un éxito. A diferenza do que facemos nos outros Clubs de Lectura, nos que comentamos as obras unha vez que se leron na casa, nesta ocasión facemos lectura conxunta en voz alta por capítulos na aula (e non na Biblioteca por cuestións de loxística) para promover a oralidade e para facilitar a comprensión global do texto a partir da análise de fragmentos pequenos. Dada a boa acollid
Leer más

Visita á ExpOtaku co IES de Catabois

Imagen
  O pasado 26 de maio xuntámonos cos participantes no Club de Manga do IES de Catabois para asistir á ExpOtaku.  Comezamos a xornada nos Xardíns Méndez Núñez cunha xincana para tratar de conseguir que o alumnado se coñecese e puidese colaborar. Con esa intención, organizamos varios grupos mixtos de seis integrantes (tres alumnos de distintas idades de cada instituto) que deberon resolver dous retos: a) Unir as opcións correctas. 1 MANUEL CURROS ENRÍQUEZ Foi ministro do goberno republicano no exilio. 2 EMILIA PARDO BAZÁN Foi o primeiro presidente da Real Academia Galega. 3 DANIEL RODRÍGUEZ CASTELAO Morreu en Cuba. 4 MANUEL MURGUÍA Para poder acudir á universidade tivo que disfrazarse de home. 5 WENCESALO FERNÁNDEZ FLÓREZ Traballou como médico da Armada en Ferrol. 6 EDUARDO PONDAL Odiaba a José Echegar
Leer más

CLUB DE LECTURA 4º ESO: LAS CHICAS DE LA HABITACIÓN 305

Imagen
  O día 30 de maio, o noso Club de narrativa de 4º de ESO reuniuse para comentar a última novela de Ana Alcolea.  Neste libro, a autora de Zaragoza narra a historia de seis rapazas de clase obreira e campesiña que comparten habitación nun internado. A súa convivencia non sempre resulta fácil, pero pouco a pouco van compartindo experiencias e madurando ata converterse en boas amigas. Curiosamente, os e as participantes na actividade amosaron bastante curiosidade pola personalidade de Manolita, unha das protagonistas do texto caracterizada pola súa extrema religiosidade.   Non obstante, foi comentario xeral entre os nosos lectores e as nosas lectoras o escaso interese que espertou a novela neles e nelas por tratarse dunha obra de escasa acción e con excesivas referencias históricas que, ás veces, non viñan moito ao caso. Moi críticos os asistentes ao Club!!!!
Leer más