CLUB MANGA ESO: SPY FAMILY

 

 O día 18 de abril o noso Club de Manga de ESO reuniuse para comentar a lectura escollida: Spy family.

 É este un manga dirixido a un público xuvenil e ten un argumento moi interesante para a rapazada. Westalis e Ostania manteñen unha guerra fría, e entre eles son frecuentes tanto os asasinatos a sangue frío coma a espionaxe dos segredos militares. Neste contexto, o mellor axente de Westalis, Twilight, recibe a orde do seu goberno de eliminar ao poderoso Donovan Desmond, da veciña Ostania. Pero as únicas aparicións públicas de Desmond están relacionadas con actividades escolares do seu fillo. Así que o solitario Twilight deberá simular que é un home de familia para achegarse ao seu rival... e dispón de sete días para conseguir unha familia ficticida ideal. Así, o axente reclutará como esposa a unha nova e atractiva rapaza chamada Yor Briar e como filla a unha nena orfa chamada Anya. Pero Yor é realmente unha asasina profesional, e Anya é unha prófuga dun laboratorio segredo que ten poderes telepáticos. E todo se lía...

 

As participantes no Club destacaron que é un manga moi ameno, con personaxes interesantes, divertidos e ben trazados que mantén unha intriga constante de principio a fin.

 

Á hora de escoller, mostraron o seu interese por Yor, que lles parece unha muller forte e valente, moi distante dos estereotipos habituais sobre as mulleres.

E para finalizar, revisamos os mangas da Biblioteca para escoller novas lecturas.

Esta si que foi unha xuntanza ben aproveitada!!!