CLUB DE LECTURAS CIENTÍFICAS: ESO


O pasado13 de xuño celebramos a segunda reunión do noso Club de Lecturas científicas para comentar un relato do autor norteamericano de orixe rusa Isaac Asimov: "Robbie".


 

"Robbie" narra a historia dunha nena, Gloria, que ten un robot chamado Robbie como neneira. A nai de Gloria sente que a relación da súa filla con Robbie é antinatural e decide desfacerse del definitivamente. Gloria bota moito de menos ao seu amigo e nada do que fan os seus pais consegue consolala. Ata que un día os seus pais a levan á fábrica onde fabrican robots para que se convenza de que non son seres humanos. Alí, por casualidade, descobre ao seu antigo amigo traballando nunha cadea de montaxe e corre a abrazalo. No seu camiño crúzase un tractor que está a piques de aplastala, pero Robbie corre máis que ninguén ata que a salva. Ante esta acción heroica, a nai de Gloria cede, finalmente, e Robbie volve a casa.

 



Foi esta unha narración que gustou moito aos nosos rapaces e rapazas que debateron sobre o medo aos robots e sobre as vantaxes e desvantaxes que pode supoñer a súa presenza na nosa sociedade.




 

Comentarios

Publicar un comentario

Entradas populares de este blog

CLUB DE LECTURA ALUMNADO PT: LAS AVENTURAS DE TOM SAWYER

Imagen
  Por petición de Rafa, o noso especialista en PT, profundamente comprometido coa necesidade de estimular a lectura comprensiva entre o alumnado con dificultades de aprendizaxe, decidimos crear un Club de Lectura entre os nosos rapaces e as nosas rapazas de reforzo dos distintos niveis educativos.  Con esa intención mercamos a novela de Mark Twain Las aventuras de Tom Sawyer nunha edición de lectura fácil adaptada para o alumnado con problemas lectores. E realmente, a pesar das dificultades para crear un grupo de lectura e de ser constantes no desenvolvento da actividade, a iniciativa está resultando todo un éxito. A diferenza do que facemos nos outros Clubs de Lectura, nos que comentamos as obras unha vez que se leron na casa, nesta ocasión facemos lectura conxunta en voz alta por capítulos na aula (e non na Biblioteca por cuestións de loxística) para promover a oralidade e para facilitar a comprensión global do texto a partir da análise de fragmentos pequenos. Dada a boa acollid
Leer más

Visita á ExpOtaku co IES de Catabois

Imagen
  O pasado 26 de maio xuntámonos cos participantes no Club de Manga do IES de Catabois para asistir á ExpOtaku.  Comezamos a xornada nos Xardíns Méndez Núñez cunha xincana para tratar de conseguir que o alumnado se coñecese e puidese colaborar. Con esa intención, organizamos varios grupos mixtos de seis integrantes (tres alumnos de distintas idades de cada instituto) que deberon resolver dous retos: a) Unir as opcións correctas. 1 MANUEL CURROS ENRÍQUEZ Foi ministro do goberno republicano no exilio. 2 EMILIA PARDO BAZÁN Foi o primeiro presidente da Real Academia Galega. 3 DANIEL RODRÍGUEZ CASTELAO Morreu en Cuba. 4 MANUEL MURGUÍA Para poder acudir á universidade tivo que disfrazarse de home. 5 WENCESALO FERNÁNDEZ FLÓREZ Traballou como médico da Armada en Ferrol. 6 EDUARDO PONDAL Odiaba a José Echegar
Leer más

CLUB DE ADULTOS: BENVIDOS AO NORTE

Imagen
  O pasado 18 de abril o noso Club de Adultos reuniuse para comentar un filme francés que acadou gran sona no momento da súa estrea: Benvidos ao norte .  O argumento desta produción gala é moi sinxelo: por empregar fraude para tratar de conseguir un destino mellor, o xefe dunha Oficina de Correos no sur de Francia é degradado e enviado a traballar a unha pequena cidade do norte do país. A muller do protagonista, chea de prexuízos sobre os lugares norteños, rexeita viaxar co seu home e este pretende vivir so durante a semana e viaxar as fins de semana para visitar á súa familia. Pero pronto descubrirá que as cousas son diferentes ao que esperaba, fai bos amigos e empeza a sentirse cómodo naquela zona recóndita. Foi esta unha película que espertou opinións encontradas entre os asistentes á actividade. A pesar de que, en xeral, todos desfrutaron co fino humor que se respira no filme, moitos dos participantes no Club comentaron a esacasa profundidade da liña argumental e o carácter prototí
Leer más