CLUB DE ADULTOS-CINEFÓRUM: VIVARIUM


 Comezamos o Cinefórum do Club de adultos coa charla sobre Vivarium, unha distopía desacougante que mestura a partes iguais trazos de terror e ciencia ficción.




O argumento do filme parte dunha historia aparentemente anodina: unha parella nova visita unha inmobiliaria coa intención de mercar unha vivenda, o empregado os leva a unha urbanización solitaria e, a partir dese momento, ambos virirán un espantoso pesadelo.

A nosa reunión culminou nun intensísimo coloquio sobre a película. A pesar de que a unha parte dos asistentes non lles gustou excesivamente este filme, foron moitos os temas sobre os que puidemos reflexionar tras o seu visionado.



 En primeiro lugar, todos destacamos a descarnada crítica que fai o director do soño americano (o american way of life), dos problemas que trae consigo a maternidade ou do desgaste que sofren as relacións de parella co paso dos anos.

 


Pero tamén debatemos sobre a idea subxacente de que os intentos de toda sociedade de planificar e unificar os comportamentos de todos os seus cidadáns pode provocar angustia, sufrimento e mesmo alienación.







 



Comentarios

Publicar un comentario

Entradas populares de este blog

VISITA A EXPOTAKU CO IES FERROL VELLO

Imagen
 O pasado 24 de maio visitamos a ExpOtaku co alumnado do IES Ferrol Vello. Foi unha xornada festiva para o alumnado que formou parte dos diferentes Clubs de manga que organizamos dende a biblioteca.  Todos e todas participaron felices nas diferentes actividades. Asistiron sorprendidos ás distintas manifestacións artísticas que se realizaban in situ. E moitas  incluso acabaron esgotadas esperando a que todos se xuntasen para marchar.
Leer más

DÍA DA POESÍA: RECITADO NAS AULAS

Imagen
Un grupo de alumnos e alumnas de 2º Bach percorreron as aulas dos grupos de 1 e 2 ESO con intención de achegarlle ao noso alumnado as creacións poéticas de autoras tan importantes para a nosa lectura como Gloria Fuertes. Comezaron os nosos rapaces e as nosas rapazas facendo unha pequena presentación biográfica dunha autora pouco aprezada no seu tempo, pero recentemente reivindicada como gran poeta e activista social, pola paz e pola liberdade.  Unha poeta (que non poetisa) amante da escritura e que converteu en protagonistas dos seus poemas aos menos favorecidos, especialmente os nenos, os seus pequenos (grandes) amigos. A continuación, cada un deles e delas fixo unha lectura dramatizada dos poemas que escolleu,  e explicou cal foi a causa da súa elección.   A pesar da súa aparente simplicidade, foi unha actividade moi valorada polo alumnado porque lle permitiu achegarse a un xénero tradicionalmente menor (polo escaso número de lectores) da man de compañeiros que lles fal...
Leer más

CLUB DE LECTURA 2º BACH: OS VELLOS NON DEBEN DE NAMORARSE

Imagen
  O pasado 11 de outubro os participantes no noso Club de Lectura de 2º de Bacharelato reuníronse para comentar a obra de teatro de Castelao Os vellos non deben de namorarse . Na súa primeira representación, esta obra foi dirixida polo propio Castelao, que tamén se encargou da escenografía. Ten como característica estrutural a súa organización como triloxía encadrada por un prólogo e un epílogo. Cada unha das tres historias que a compoñen conta o amor dun home vello imprudente por unha rapaza nova, e rematan no epílogo que reúne aos tres protagonistas mortos no cemiterio para explicar o sentido da obra. En xeral a obra gustoulle moito ao alumnado participante na actividade, e foron moitos os comentarios que xurdiron despois da súa lectura. En primeiro lugar, o máis obvio: o perigo que corre un home vello cando se namora dunha muller moito máis nova porque pode ser enganado por ela. Algunhas das nosas participantes matizaron esa idea ao sinalar que as rapazas, a pesar de non estar n...
Leer más