CLUB NARRATIVA 2º ESO: RELATOS EDGAR ALLAN POE

 Aproveitando a celebración do Samaín no noso centro, reunimos ao Club de Lectura de 2 ESO para comentar varios relatos do mestre do terror: Edgar Allan Poe.

 Foi moi divertido analizar coas participantes na actividade os mecanismos que emprega o autor para lograr o estrañamento no seu público.

Así, por exemplo, todas mostraron a súa sorpresa ante o narrador en primeira persoa de "El corazón delator", que defende a súa cordura mediante o emprego dun suposto autocontrol que lle permite planear o crime do vello con total meticulosidade. Asi mesmo analizaron con curiosidade o sentido do título. É o horrible son do seu propio corazón acelerado o que provoca que recoñeza a súa culpabilidade ante os policías que o visitan?

Tamén lles chamou a atención o comportamento do protagonista de "El gato negro", que desenvolve un rexeitamento irracional cara a un gato negro. Esta situación provoca nel unha crecente espiral de violencia que rematará na súa desgraza final.

 

As nosas lectoras destacaron a importancia que lle outorga o autor á loucura en ambos relatos e o papel que acada a irracionalidade na presentación de situacións máis que terroríricas, desacougantes.

Non lles gustou "La caída de la casa Usher" por consideralo demasiado complexo, pero si lles agradou "Ligeia", tanto polo final macabro como pola inclusión das sucesivas mortes das mulleres do protagonista, tan te moda na literatura do momento.

Realmente foi unha xuntanza moi ben aproveitada.