CLUB NARRATIVA 1º BACH: ¿QUE ME QUERES, AMOR?

 Reunimos xa en xuño e a modo de despedida ao noso Club de narrativa de Bach coa intención de traballar a adaptación cinematográfica que fixo José Luis Cuerda en A lingua das bolboretas a partir de tres relatos presentes na obra de Manuel Rivas ¿Que me queres, amor? ("A lingua das bolboretas", "Carmiña" e "Un saxo na néboa").

Resultou moi interesante facer un contraste entre a lectura dos contos e o visionado da película. 

Todas as participantes defenderon que desfrutaron de relatos e filme, aínda que tamén consideraron que a historia de Carmiña podería ser eliminada sen problema da adaptación de Cuerda.

Así mesmo valoraron positivamente a capacidade do director para construír un relato coherente a partir de tres pezas autónomas e, sobre todo, a credibilidade que consegue a partir da súa reinterpretación das diferentes historias.

Resultaron conmovedoras as reflexións sobre as vivencias de Moncho e, sobre todo, sobre as inxustizas derivadas dos conflitos bélicos.