CLUB DE NARRATIVA 4º DE ESO: O CURIOSO INCIDENTE DO CAN Á MEDIA NOITE

 


O pasado 3 de decembro, o noso Club de narrativa de 4º de ESO reuniuse para comentar O curioso incidente do can á media noite.

É esta unha novela que ten como protagonista a Christopher, un rapaz de 15 anos con TEA (trastorno do espectro autista), experto en física e matemáticas, que coñece todas as capitais do mundo e os números primos ata o 7507. Debido ao seu trastorno, mostra comportamentos que o diferencian da maioría de rapaces da súa idade: non comprende as expresións faciais, rexeita o contacto físico non controlado e odia os ruídos fortes.  

O argumento da narración é moi simple: un can é asasinado e Christopher decide investigar o suceso. No obstante, este argumento é totalmente secundario, porque o que realmente resulta interesante provén das reflexións, as actuacións, as relacións e as consideracións do rapaz protagonista da novela.

Os comentarios que xurdiron entre os nosos alumnos e alumnas despois da lectura resultaron profundamente interesantes.

En primeiro lugar, todos e todas destacaron a mestría con que Mark Haddon nos describe o funcionamento da mente autista.


Tamén se mostraron profundamente sorprendidos ao comprobar o difícil que pode resultar a vida diaria para unha persoa que non se adapta á "normalidade" que require a nosa sociedade.




Comentarios

Publicar un comentario

Entradas populares de este blog

DÍA DA POESÍA: RECITADO NAS AULAS

Imagen
Un grupo de alumnos e alumnas de 2º Bach percorreron as aulas dos grupos de 1 e 2 ESO con intención de achegarlle ao noso alumnado as creacións poéticas de autoras tan importantes para a nosa lectura como Gloria Fuertes. Comezaron os nosos rapaces e as nosas rapazas facendo unha pequena presentación biográfica dunha autora pouco aprezada no seu tempo, pero recentemente reivindicada como gran poeta e activista social, pola paz e pola liberdade.  Unha poeta (que non poetisa) amante da escritura e que converteu en protagonistas dos seus poemas aos menos favorecidos, especialmente os nenos, os seus pequenos (grandes) amigos. A continuación, cada un deles e delas fixo unha lectura dramatizada dos poemas que escolleu,  e explicou cal foi a causa da súa elección.   A pesar da súa aparente simplicidade, foi unha actividade moi valorada polo alumnado porque lle permitiu achegarse a un xénero tradicionalmente menor (polo escaso número de lectores) da man de compañeiros que lles fal...
Leer más

VISITA A EXPOTAKU CO IES FERROL VELLO

Imagen
 O pasado 24 de maio visitamos a ExpOtaku co alumnado do IES Ferrol Vello. Foi unha xornada festiva para o alumnado que formou parte dos diferentes Clubs de manga que organizamos dende a biblioteca.  Todos e todas participaron felices nas diferentes actividades. Asistiron sorprendidos ás distintas manifestacións artísticas que se realizaban in situ. E moitas  incluso acabaron esgotadas esperando a que todos se xuntasen para marchar.
Leer más

CLUB DE LECTURA 2º BACH: OS VELLOS NON DEBEN DE NAMORARSE

Imagen
  O pasado 11 de outubro os participantes no noso Club de Lectura de 2º de Bacharelato reuníronse para comentar a obra de teatro de Castelao Os vellos non deben de namorarse . Na súa primeira representación, esta obra foi dirixida polo propio Castelao, que tamén se encargou da escenografía. Ten como característica estrutural a súa organización como triloxía encadrada por un prólogo e un epílogo. Cada unha das tres historias que a compoñen conta o amor dun home vello imprudente por unha rapaza nova, e rematan no epílogo que reúne aos tres protagonistas mortos no cemiterio para explicar o sentido da obra. En xeral a obra gustoulle moito ao alumnado participante na actividade, e foron moitos os comentarios que xurdiron despois da súa lectura. En primeiro lugar, o máis obvio: o perigo que corre un home vello cando se namora dunha muller moito máis nova porque pode ser enganado por ela. Algunhas das nosas participantes matizaron esa idea ao sinalar que as rapazas, a pesar de non estar n...
Leer más