Club de Lectura IES Saturnino Montojo

  Para celebrar o Día da Poesía, comentamos no noso Club da adultos o primeiro libro de poemas da nosa compañeira Sara Villar.   É este un libro de poemas breve e aparentemente sinxelo, pero intenso e profundo ao mesmo tempo. En cada composición Sara e Ánxela, a coautora, reflexionan sobre a importancia do amor e defenden ante os seus lectores a importancia de vivir unha vida plena, libre e ex-céntrica. A propia autora puido dialogar con nós sobre como se xestou e desenvolveu este proxecto poético, sobre o sentido último das nosas composicións preferidas e sobre os seus plans de futuro. Esperamos con o próximo libro, Sara!!!

 A finais de marzo lemos unha novela relativamente recente de Laetitia Colombani: A trenza . É esta unha novela que narra a vida de tres mulleres que non se coñecen e que viven en países distantes e opostos no ámbito socioeconómico. Non obstante, as tres teñen algo en común: rexeitan os condicionantes do seu destino e loitan contra as circunstancias que as oprimen. Como fíos invisibles, os seus camiños coinciden en se entelazan como nunha trenza que se converte en símbolo da súa fortaleza contra a adversidade. Esta narración impresionou moito ás nosas lectoras, que quedaron profundamente impactadas ao descubrir a vida horrible de Smita e o valor que necesitou para fuxir tratando de evitar que a súa filla repetise a súa espantosa existencia.    Pero reflexionaron tamén sobre os problemas dunha muller do primeiro mundo para aceptar a enfermidade na cúspide da carreira profesional ou sobre os retos que debe asumir unha empresaria para sacar adiante a empresa familiar. ...

Durante o segundo trimestre foron dúas as novelas escollidas polos participantes no noso Club de narrativa de 4º ESO: Invisible , de Eloy Moreno e La mansión Dax , de César Mallorquí. Esta última é unha fantástica novela de aventuras e misterio ambientada no Madrid do século XIX que gustou moito aos rapaces que se animaron a participar da súa lectura e posterior debate. O narrador e protagonista de La mansión Dax , é un rapaz orfo que sobrevive na rúa como ladrón e que comparte o seu tempo con outros rapaces da súa condición. Un día coñece a un home que se fai chamar Honesto Juan e que o acolle na súa casa para aproveitarse do seu don. Pero esa alianza dura pouco tempo. Aparentemente por casualidade, crúzase na súa vida Sebastián Dax que o invita a vivir na súa mansión... e co que coñecerá o amargo sabor da vinganza. Foron moitas as reflexións que xurdiron na xuntanza do noso Club a raíz da lectura desta novela: a crítica da miseria e as desigualdades sociais, a importancia da honestid...

  Durante o segundo trimestre foron dúas as novelas escollidas polos participantes no noso Club de narrativa de 4º ESO: Invisible , de Eloy Moreno e La mansión Dax , de César Mallorquí.   A primeira, Invisible, é unha narración sensible e intimista sobre un rapaz vítima de acoso escolar que cre que ten o don de facerse invisible ante aqueles que o rodean. Pero tamén é unha novela sobre o medo, sobre a amizade, sobre o primeiro amor e, sobre todo, sobre as persoas valentes que actúan para evitar que os acosadores sigan martirizando ás súas vítimas.   O coloquio posterior á lectura resultou moi intenso e interesante.  Os lectores e as lectoras reflexionaron sobre o acoso escolar e sobre as formas en que se pode manifestar, sobre as maneiras de evitalo ou de axudar aos acosados, sobre a importancia de non pechar os ollos ante as situacións de abuso e, sobre todo, sobre a necesidade de actuar cando se sospeita que alguén pode estar sendo molestado por un compañeiro ou co...

  Para continuar coas lecturas do noso Club de narrativa de 1º ESO escollemos un relato de ciencia ficción do gran especialista Isaac Asimov.   "Robbie" narra a historia dunha nena (Gloria) e o seu robot (Robbie). A nena sente un gran afecto polo amigo robótico, pero a súa nai, temerosa ante esa relación, decide desfacerse do ser mecánico. A nena sofre moito coa desaparición do seu amigo e nada a anima, así que os pais deciden levala a unha fábrica de robots para que comprenda cal é a súa natureza real. Alí a nena escapa para buscar a Robbie e consegue atopalo. Este, de forma heroica acaba salvándoa dunha morte segura.   A partir da lectura deste relato os nosos alumnos e as nosas alumnas reflexionaron sobre a evolución da robótica na nosa sociedade e dialogaron sobre diferentes cuestións como se é posible realmente a amizade entre un humano e un robot ou se é real a ameaza da tecnoloxía. Unha xornada moi divertida!!!

 Como lectura para o Club de narrativa na segunda avaliación escollemos una selección de relatos provenientes dos seguintes libros: Los mejores relatos de Roald Dahl , Los mejores relatos de ciencia ficción e Antología de relatos de detectives. Foi esta unha reunión moi interesante na que os nosos lectores e as nosas lectoras puideron reflexionar sobre os mecanismos que empregan os diferentes autores para transmitir intriga nas narracións breves e asemade puideron desfrutar das creacións literarias de varios maestros no xénero.    

  Para celebrar o 25 aniversario da morte de Torrente Ballester, reunimos ao noso Club de adultos para comentar unha das últimas obras do novelista ferrolán: La boda de Chon Recalde . Se ben é esta unha obra considerada secundaria por parte da crítica dentro da produción literaria deste autor, podemos observar nela, non obstante, unha fantástica descrición da vida anodina da posguerra nunha cidade de provincias da época. A través da vida das protagonistas, unhas rapazas dignas e valentes que loitan por ser felices, puidemos observar os temores, envexas e hipocresias dunha sociedade de posguerra chea de traumas e prexuízos. Ademáis, a través da fantástica narrativa de Torrente, conseguimos aproximarnos á vida dos ferroláns e ferrolás do momento.

 Para celebrar o Día de Rosalía, os membros do Club de Poesía, axudados polos Voluntarios de Biblioteca e os Correspondentes Xuvenís organizaron un recitado para lembras as composicións líricas da poeta de Santiago. Os participantes na actividade recibiron, ademais, unha rosa para agradecer a súa colaboración.